Diktardagar i Lom 9. - 12. august 2007 
TEMA: Naturforteljingar

Vi er glade for på nytt å kunne invitere til Diktardagar i Lom. Diktardagane blir arrangert for fjerde gong. Tor Jonsson-selskapet har planlagt og gjennomfører arrangementet. Vi samarbeider med Stiftinga Solrenning som har ansvaret for programmet på sundag. Programmet i 2007 byr på det meste av det beste. Vi kombinerer det tunge og det lette, det lokale og det nasjonale, spøk og alvor. Vi formidlar gjennom seminar, spel og song, revy, bokbad, fjellnatur og fest.

Tema: Naturforteljingar

Det gjennomgåande temaet for diktardagane dette året er naturforteljinga. Ingen veit dette betre enn Nordølane: Naturen gjev og naturen tek.Det doble og tvitydige pregar tilhøvet mellom mennesket og naturen. Dei eldste forteljingane legg mest vekt på det vonde ved naturen. Naturen tek. Med romantikken slo pendelen heilt andre vegen. Naturen gjev.

I dag tolkar vi naturen ulikt. Forteljingane våre om naturen er avhengig av historie og kultur. Mange synest naturen viser sitt mest storslagne når bekkane blir regulerte og kan tene som vatningsvatn, for ikkje å seie når dei blir lagde i røyr og produserer lys og varme. Andre vil ha naturen vill. Fossen og rovdyret representerer den verneverdige naturen, ikkje vatnarvatnet, kunstenga og sauen.

For diktarane er ikkje noko menneskeleg ukjent, og våre diktarar har skildra naturen høgst ulikt. Tor Jonsson var tidleg ute og polemiserte mot romantikarane. "Eg dyrkar ikkje stein", var hans motto. På diktardagane møter vi naturen i alle former, også den menneskelege natur. Der skal vi alle også vere deltakarar, ikkje berre tilskodarar.

Med takk til alle som har vore med og vil vere med, ynskjer eg velkomen til Diktardagar i Lom 2007.

Håvard Teigen,
Styreleiar Tor Jonsson-selskapet

Programoversyn 2007
Tor Jonsson
Knut Hamsun
Olav Aukrust
Diktardagar 2007

Tor Jonsson-selskapet

Påmelding
Bindande påmelding innan 27. juli 2007 ved innbetaling/giro til kto. 20856351050 (v Aud Hove, 2690 Skjåk)

Litteraturseminar
Diktarmiddag
Littera-tur:
merka med arrangementet og Diktardagar 2007.

På andre arrangement:
Kjøp billettar på kontoret for Diktardagar i resepsjonen på Midtgard eller ved inngangen på arrangementet.