Våre sponsorar

«Stusslegstugu» i Lom var barndomsheimen til Tor Jonsson. Tor flytta hit da han var åtte år gamal. Det var ei stove familien hadde reist på plassen til morsslektningane hans like ved Andvord, vest for Lom sentrum, eit lite stykke oppover Solsidevegen. Her hadde dei ikkje ein gong så mykje jord at dei kunne setje ei bøtte poteter. Tor budde mesteparten av livet her saman med mora og ei ugift syster på eitt rom og kjøkken med sovealkove. Fyrst etter at mora døydde i 1950, flytta han til Oslo. Elles var han borte frå bygda og heimen berre i kortare i perioder. «Stusslegstugu» vart restaurert og opna for publikum etter avtale i 2000.
Tor Jonsson-laget vart skipa i slutten av april 2000. Kort tid etter vart Tor Jonsson-stova opna for publikum. Lom kommune hadde da fått stova restaurert etter at ho hadde forfalle i fleire år.
Laget er organisert som foreining. Styreleiar er Håvard Teigen. Dei andre styremedlemmane er Hans Sandviken, Bård Hanem, Torstein Bruøygard og Rita Mundal. Vara: Andreas Hompland.
Føremålet med foreininga er å gjera livet, diktinga og heimbygda til Tor Jonsson betre kjend og tilgjengeleg og yte økonomiske bidrag til føremål og prosjekt som er knytt til livet, diktinga og heimbygda hans. Foreininga er sjølveigande og skal ikkje vera næringdrivande.
I 2016 stod Tor Jonsson-laget for markeringa av 100 årsjubiléet til Tor Jonsson.
Meld deg inn her